觀塘隱世Cafe 品嚐高質西餐

觀塘有勁多好食但隱世cafe，而呢間位置都相對隱蔽，需要花時間去搵一搵🌟

坐底咗之後，店員就畀咗個QR code我掃，之後就叫咗兩set主食，因為店內比較多人，所以都等咗差唔多三十分鐘先上到第一碟飯⏳

先上菜係牛油果青醬虎蝦意大利麵($138)🍝，意大利麵煮得岩岩好，彈牙有嚼勁，而虎蝦就非常鮮甜又彈牙！最特別嘅係牛油果青醬🤤🥑，味道香濃，帶有牛油果嘅滑順口感🤤仲要跟埋田園沙律夠晒健康！🥗

明太子虎蝦燴飯($128)🍚，成碟都係粉紅色嘅明太子，非常之有少女心，不過味道就濃咗少少，但係蝦都算幾新鮮㗎！🍤

飲品方面，今次就揀咗芒果菠蘿沙冰($24)🥭🍍同埋海鹽Kiri芝士奶蓋之白京都抹茶($43)🌟芒果同新鮮菠蘿夾埋一齊簡直係黃金組合，口感非常清新✨而另一杯，抹茶味非常濃郁加上芝士奶蓋之後都唔覺得蓋過咗抹茶味🍵

發現原來叫set可以用優惠價($68)跟埋原味梳乎厘配蜂蜜糖漿🥞，所以一於就叫埋！上網好多人推薦呢間梳乎厘，原來真係好抵食，梳乎厘超巨型，有成隻手掌咁大件🖐️，仲要好厚身，真係要兩個人先食得完！佢哋嘅梳乎厘唔係行空氣感路線，而係充滿濃濃嘅蛋香味🥚！

Tips❤️:
梳乎厘製作需時三十分鐘以上，可以提早叫定落單，咁就唔使等咁耐啦！

📍地址：
Four O Five Coffee & Eatery
觀塘成業街19-21號成業工業大廈地下2號舖

#攻略 #熱門菜式 #觀塘美食 #FourOFiveCoffee #梳乎厘 #明太子 #意大利麵 #西餐