「79號漁船｜平價高質海鮮餐」
今次要介紹嘅就係內地出名食海鮮的連鎖餐廳 「79號漁船」，位於寶豐店。交通超級便利，出咗地鐵站行幾分鐘就到，由大劇院站C出口，經過萬象城Makeupforever旁邊的玻璃門出口，在”Cafe「前茶院」旁行人隧道，8號出口上樓梯就見到，實在方便到不得了👍！
79號漁船除咗有特式小菜外，最特別係佢在餐廳中庭有一個超長魚缸，有齊各種生猛海鮮，全部標明價錢，食客可以一路睇着魚缸，一路指定海鮮和食法。海鮮每斤價錢已包含加工費，價錢清晰，無加一服務費，冇最低消費，冇開瓶費。
首先必食是他們嘅🔥燒大頭蝦，$109/斤就有8隻，個頭大大粒仲要肉質飽滿到爆棚！面層再灑上香噴噴嘅椒鹽粉，真係燒到啱啱好，令人回味無窮😋！
再来試吓佢哋嘅獨特創意菜式——🌟百香果鮑魚，只需$11一只，酸甜帶香嘅百香果汁同鮑魚配搭，味道幾新奇，食落有種清新醒胃嘅感覺，值得一嚐👌。
然後係暖笠笠嘅 Soup of the Day——🍲海皇燉湯$39，原盅燉至熱辣辣，內含花膠、海參同細細粒鮑魚仔，質量都算唔錯。雖然湯底味道中規中矩，如果能夠再多點肉味就會更加完美，不過整體來說依然係一碗滋潤養生嘅靚湯✨。
當然唔少得特色小炒——🍴藕尖炒黄牛肉，只售$43（小份），爽脆嘅藕尖口感似鹹酸菜，酸爽兼備，可以好好平衡味蕾。而黃牛肉軟腍，微微辣勁更是惹味十足，真係食過返尋味呀！
還有個特別推介——香汁芋頭$33（小份），外表看似潮州蜜汁反沙芋，其實係芋頭蒸熟後調味再搓成粒狀炸至金黃，再淋上鹹香嘅香汁，咬落去外脆內綿。
繼續嚟到經典嘅豉油皇鵝腸$49（小份），夠晒爽口彈牙，可惜豉油味道略帶輕微苦甘。
🍜海鮮炒麵$29（小份）呢，似平時粥店食的豉油王炒麵，加上幾粒蝦仁提鮮，正常發揮。
最後嚟講下他們嘅圳品海胆生煎包$25有6隻（小份），包底外皮煎得夠脆，面層都鬆軟，餡料確實會爆汁，但個人認為肉餡鮮味稍欠，中規中矩。
關於環境與服務方面，餐廳有3層高，如果想坐包廂記得要打電話預訂先喎；大廳位置則接受walk in，好似我在星期四晚飯時間，大概6:30左右已經開始出現滿座情況，所以大家最好早D嚟霸位啦🏃♂️！另外茶位每位收費$5，不過生果盤係免費提供嘅哦~ 濕紙巾和乾紙巾嚟到已經擺在枱上，如無需要可以同服務員講返會減返錢。
#2023咔嚓
#foodiemap #吃貨地圖#親子活動 #聚會好去處 #姊妹打卡 #hkfoodie #hkfood #深圳打卡 #打卡餐廳推薦 #ulifestyleapp #UBlog #吃貨地圖深圳
