有冇人同我一樣對cream sauce冇抵抗力？呢個汁應該大...
有冇人同我一樣對cream sauce冇抵抗力？呢個汁應該大人小朋友都鍾意！配飯／意粉／法包都咁正！🤤 仲要係一鑊熟，30分鐘可以開飯！😉👌🏻
**香草芝士忌廉雞扒 🌱
材料（2人份）：
雞髀扒 2大塊 切半
洋蔥 半個 切粒
蘑菇 6-8粒 切片
煙肉 2條 切碎
蒜蓉 2瓣
鮮忌廉 100ml
鮮奶 100ml
白酒 50ml (可省略)
巴馬臣芝士 50g
新鮮番茜 1湯匙
新鮮百里香 1茶匙
雞扒醃料：
鹽 1/2茶匙
黑胡椒 1/4茶匙
蒜粉 1/2茶匙
洋蔥粉 1/2茶匙
乾番茜 1/2茶匙
乾百里香 1/4茶匙
乾迷迭香 1/4茶匙
做法：
1. 雞扒除去多餘脂肪，洗淨印乾，醃料混合醃30分鐘。
2. 平底鑊內放煙肉，中火加熱逼出油份，可稍微傾側平底鑊集中油份，煎至煙肉香脆後盛起備用。
3. 同鑊內皮向下放入雞扒，煎至表皮金黃後翻轉，續煎至九成熟。盛起備用。
4. 倒去多餘油份至剩一湯匙左右，爆香蒜蓉、洋蔥、蘑菇，加白酒煮至稍微收汁。轉小火，加入忌廉、鮮奶、芝士，用適量鹽、黑胡椒調味，拌勻。煮至開始有小泡時加入香草，續煮2-3分鐘至醬汁開始杰身，間中攪拌。注意醬汁不能大滾，若中途太滾可離一離火稍為降溫再繼續。
5. 放回雞扒續煮1-2分鐘至熟透及呈理想濃稠度。
6. 灑上煙肉碎，加香草裝飾，即成。
小小tips：
1. 如無新鮮香草可用乾香草代替，比例大概 2(新鮮)：1(乾)。
2. 忌廉醬汁要小火煮同唔可以煮太耐，否則會水油分離而結塊，不夠幼滑。
...更多
