2024/03/19

「泰」好味🔥 泰國米芝蓮推介太古廣場Apinara

約咗朋友食飯，呢排做嘢實在「泰」攰喇，要食返啲熱辣辣泰國嘢重拾自己嗰團火🔥 泰國米芝蓮推介嘅著名食店Nara，旗下嘅金鐘概念品牌店Apinara開業多年都未有機會試，今次經開金鐘太古廣場一定要試試佢！見到有套餐叫，備有多款招牌泰式風味菜式供選擇。一個套餐有齊湯、主菜、飲品及甜品～主菜： ———泰式和牛船麵喺泰國食船麵，每份嘅份量都係少少，兩啖一碗嘅份量，喺呢度食船麵就一大碗慢慢嘆～深啡色嘅湯底係船麵嘅特色，由多種香料熬製成，係好濃郁嘅味道，飲落唔會好膩同口渴！另外和牛牛肉好嫩，一入口就係和牛本身嘅油脂香氣，完全無被船麵嘅湯底味道所蓋過～除咗和牛片，仲有牛展、炸豬皮同牛丸！新鮮優質嘅材料+濃厚嘅湯汁，再搭配軟糯彈滑嘅泰國船麵入口，一切都係剛剛好！ ———泰式豬肉炒金邊粉對於鍾意食泰國美食嘅朋友對炒金邊粉一定唔會陌生，擁有濃濃東南亞風味嘅炒金邊粉有住誘人嘅香氣同獨特味道～呢度嘅炒金邊粉炒得好有鑊氣，每條麵條保持彈性，亦都均勻沾上醬汁(但又唔會痴埋一齊) 調味係酸酸甜甜咁，口感相當和諧～軟糯金邊粉配住大大塊豬肉，側邊有砂糖、辣椒粉、花生碎、青檸、芽菜，可根據需要撈返需要嘅份量，撈勻晒之後香上加香，每一啖都充滿異國風情，足以令我狼吞虎咽🤭 湯品 ———泰式椰汁雞湯一啖湯有齊獨特嘅泰式風味：咸、甜同酸嘅平衡！奶白如牛奶嘅雞湯椰香濃郁，湯中滲有幾滴辣油，一啖落肚，彷彿脾胃被溫柔對待，細細品味更會發現湯中隱藏住香料嘅清香，呢種香味令人醒神！泰式椰汁雞湯嘅味道同冬陰功一樣酸酸辣辣，但相對冬蔭功佢味道溫和好多、椰香突出好多、辣度亦比較低～入面有幾件雞肉，亦都好嫩滑！ ———冬陰功湯酸辣開胃富有層次，用湯匙舀一勺送入口中，酸辣咸香但唔會太重口味～ *套餐配有湯品、沙律、甜品及餐茶飲品叫咗兩杯凍檸茶；沙律除咗有沙律菜仲有豬肉粒及菠蘿粒，個汁係酸酸哋；而甜品係芒果柚子西米露，煮到彈軟嘅西米、酸甜解膩嘅西柚同芒果，濃濃嘅淡奶同椰漿，口感濃郁又豐富；為完美一餐畫上句號！整個套餐喺酸、甜、微辣多種滋味中碰撞出獨特風味，放Lunch又唔知食咩好可以嚟呢度解決你嘅煩惱‼️🤟 #美食 #金鐘 #泰國菜 #泰菜 #hkig #香港美食 #泰國餐廳 #食食食 #hkfood #hkfoodie #炒金邊粉 #船麵 #抵食推介 #hkfoodblog #金鐘美食 #foodiehk #hkkol #kolhk #泰式美食 #hkfoodshare #hkfoodlover #food #852food #hkthaifood #apinara #金鐘餐廳 #admiraltyfood #admiralty #搵食指南 #thaincuisine #食勻全世界 (此文章由U Blog 同步發佈至社群)...更多