🇰🇷 Dior迷尖叫必到期間限定咖啡店 😆☕️

📍首爾聖水洞 Café Dior 喺開始之前，請容許我插入一段港女式尖叫😬 其實之前喺香港已經有留意到呢間位於聖水洞，期間限定到2024年嘅咖啡店㗎喇☕️咁呢日食飽飯全家都無咩所謂話下一個行程要去邊度🫢 於是我就靈機一觸💡提議大家去呢間咖啡店☕️  其實都唔算難搵嘅，聖水地鐵站行5分鐘左右就到㗎喇🚇 一去到間店，就俾佢個外觀吸引咗 - 呢間旗艦店成間劇院咁，望落好華麗🌟 壯觀得嚟又打卡able🔥 啱曬我口味❤️ 然後我就好天真爛漫咁打算行入去 - 跟手就俾門口嘅店員截住咗喇😅  (以下係我同靚仔oppa店員嘅對話) 🤵🏻：小姐你係...... 👩🏻：我要去Café❤️ 🤵🏻‍♂️：有無book位？要喺app預約㗎喎...... 👩🏻：無喎...... 🤵🏻: ...... 正當我心灰意冷，意興闌珊嘅時候 - 店員話臨時有位🥳 只係要一個鐘之後交檯😉 所以大家記住自己上app預約定喇🤟🏻  其實咖啡店範圍唔大，大約3-4張檯😬 室內設計主要係行白色簡約風，加埋後面有個不停變換場景嘅大屏幕，務求大家可以有個沉浸式體驗🫧 聞說個幕牆播緊嘅畫面，其實係重現緊Dior先生細個位於格朗維爾嘅宅邸🏠 餐點強烈建議叫熱朱古力或者熱拿鐵 - 個面會有 Dior 經典星星圖案㗎🌟 食物飲品味道講真就無話特別標青嘅 - 👌🏻啦打卡滿分就好💯  #Dior迷尖叫必到期間限定咖啡店 #CaféDior #seongsu #聖水洞 #seoul #首爾 #korea #韓國 #ohhejtravel #ohhejfoodie #韓國 #首爾 #南韓 #聖水洞 #korea #seoul #ohhejtravel #CaféDior #Dior迷尖叫必到期間限定咖啡店 #seongsu #ohhejfoodie (此文章由U Blog 同步發佈至社群)