疫情關係，差不多半年無食過火鍋，行緊漆咸道見到佢招牌，咁就俾佢引左上去幫襯🤣🤣
親切嘅店員介紹先知，呢度唔只食火鍋咁簡單，仲有雞煲、鴨煲、豬手煲任食，睇埋火鍋紙，覺得火鍋可選嘅料比預期中少，咁就索性叫左雞煲先，諗住食完雞煲再食火鍋，一舉兩得。
🥘雞煲有得揀辣度，我本人唔辣得，就揀左小小辣。雞煲上枱，店員話等個煲慶返起，之後會再幫我地炒香兜勻。望住個煲，又聞到香噴噴無得食，朋友忍唔住自己去炒🤣。一放低個殼，即刻起筷，雞肉彈牙、入味，雖然唔算十分嫩滑，但起碼唔嚡，辣度對於我嚟講啱啱好，小小刺激、惹味，易入口。d芫茜索左d汁食落口更好味，芫茜控唔知可唔可以揀多芫茜，但如果唔食芫茜嘅可以揀走芫茜。
食完雞煲轉食火鍋，湯底都有幾款選擇，我地揀左屋企靚湯蕃茄薯仔濃湯，以為店員會喺個雞煲加湯比我地烚吓烚吓就算，點知係重新再上一鍋新嘅👍。
頭先講過火鍋紙上嘅火鍋料選擇唔多，原來喺出邊自助區仲有丸類、蔬菜等自助任攞，選擇都ok多，最推介係炸魚皮，勁脆、有咬口；仲有豆腐，捋捋，唔錯。
每人200幾，可以食到呢個味道，除左食品任食，亦有唔少飲品任飲，其實都幾抵食。
個人感覺，雞煲真係好食，最讚一定係店員嘅服務、態度，有禮又夠親切。
@二煱頭
尖沙嘴嘉芙中心1樓
