大家都應該知道我哋羅家曾經有兩隻狗狗，佢哋真係好鬼為食不過早幾年狗食品就冇咁多花款賣，而家連酒店都有推出狗狗食得嘅蛋糕，雖然佢哋生不逢時不過我都戥而家可以嘆嘅狗狗開心，因為人同狗亦都可以一齊買個蛋糕慶祝真係好正。
九龍酒店嘅Coffee Corner咖啡閣啱啱推出咗個百日彩虹蛋糕，呢個蛋糕有七層七個唔同嘅顏色仲係唔同嘅味道，好似可以一次過滿足七個願望咁你話幾開心！而且仲有三磅同埋五磅可以揀真係好適合要嚟慶祝用。
百日彩虹蛋糕個樣就好靚仔究竟好唔好食呢！食落去忌廉香得嚟唔會好甜入面嘅海綿蛋糕仲好鬆軟添，仲可以加啲唔同嘅裝飾要嚟做生日蛋糕、百日宴蛋糕、甚至情人節蛋糕都好夠睇頭。
另外仲有可以比心肝寶貝狗狗食嘅小狗迷你蛋糕，主人慶祝嘅時候狗仔都可以分享喜悅真係皆大歡喜。
#蛋糕
