平時食炸雞配啤酒就試得多,今次啤酒配豬手又有另一番風味!朗豪坊13樓Beerliner German Bar & Restaurant就可以享受滋味德國菜,即約埋朋友去試下😝
餐廳裝修融合古典建築及新穎裝修,座位同座位間有一定距離,令客人舒適同保持私隱。
前菜
原生種蕃茄沙律整體味道較清新,作為前菜係唔錯嘅選擇,蕃茄鮮甜,入面仲有香濃芝士粒,味道豐富!另一款就揀德式煙三文魚皮薩,配啤酒一流!皮薩份量都唔少,每件皮薩都有一片大而厚嘅煙三文魚,上面都有粒 橄欖,味道豐富,橄欖果實風味清香,配煙三文魚嘅煙燻香味,好match☺而皮薩脆而不油,送啤酒一流!
主菜
當然要食德國豬手,職員會先上原隻豬手,比客人打打卡😝再切開方便進食!豬手外層燒到香口而香脆,內層肉質嫩滑,終於明白點解德國豬手咁出名
德式香腸/意大利粉
見旁邊客人嘅德式香腸都幾大份,所以就揀咗慢煮豬面頰貝殼粉,擺盤精緻,豬面頰口感極其軟嫩,味道更濃郁,與細小貝殼粉一齊進食,口感豐富
甜品
其實三款都好想食,最後想食啲酸酸甜甜嘅甜品就要咗焗芝士檸檬塔,無諗過芝士同檸檬係咁match, 清新檸檬香配香濃芝士,作為成餐完結,好完美
飲品
首推菓汁甜蜜啤,成個系列都係唔同嘅水果配成,嘅有原因麥啤嘅麥芽香,仲帶果甜,Hula Hoop Weissbier呢款好岩女仔飲,味道甜甜帶荔枝香,尾尾仲有啤香,真係好好飲
Beerliner German Bar & Restaurant
朗豪坊商場 13/F, 8 Argyle St, Mong Kok