沒有計劃就是最好的計劃! ---《下一站...Spain🇪🇸》· Day 6 

第一個星期嘅課程已經完成晒，上堂冇乜特別事情發生，所以就唔多作紀錄啦。本來大家落堂之後都冇約活動，點知當我自己一個出town 嘅時候（一來係去搵晚餐，二來因為其實今日係西班牙一個幾大嘅節日～～ San Juna Night，所以都想去睇吓），竟然撞到其中一個美國朋友，然後橫掂都遇到大家，就一齊去咗食一間日本餐廳🍴 我叫咗一個應該係叉燒冬菇拉麵（€12.95）😂 因為我淨係食到呢兩樣嘢，整體嚟講都係唔差嘅，但係未去到真係話好好食。 食完晚餐之後，我哋收到另外一個美國朋友嘅電話，問我哋想唔想去飲嘢吹吓水，就係咁，我哋又即興多咗個活動。另外等緊個美國朋友出嚟嘅時候，終於食到想試好耐嘅雪糕，呢間舖頭唔係講笑，次次經過都大排長龍。試完之後終於明白點解咁多人排隊，因為好好味，同埋唔算貴，大cown 都係 €14。 雪糕食到差唔多七七八八，我哋就去咗間Pub 度 meet up 返個朋友。而又估唔到嘅係，竟然同一個course 嘅另外兩個女仔，竟然又喺town 度，所以就叫咗佢哋上嚟一齊飲嘢傾吓偈。其實我自己幾鍾意呢一種嘅飲酒social ，飲到啱啱好就可以，唔洗不停人飲你又飲，同埋同來自唔同地方嘅人傾偈，都真係聽多好多佢哋自己嘅經歷。Wonderful night ~~ 飲到差唔多凌晨一點，就決定出去睇吓呢個節日，喺條街都可以見到，呢一個節日喺西班牙應該真係一個大型節日，每經過一條小巷，都有唔同人喺度慶祝緊，氣氛真係好好🥳 行咗一陣就決定起行返宿舍了。凌晨時間嘅宿舍，有種唔識形容嘅靚。 Day 6 完。✍️ Instagram: _ooahlongtea YouTube: ahlong’s vlog #旅行 #西班牙 #旅遊 #歐洲 #行程 #獨遊 #vlog #blog (此文章由U Blog 同步發佈至社群)