依加想食大排檔真係買少見少，通常係熟食中心都仲可以搵到。呢間就係觀塘區嘅。
主打鷄煲小菜，今晚黎到都坐無虛席咁劑，好彩仲有張二人枱。
手寫菜牌但無寫價錢，望下枱上餐牌，價錢都係親民價，菜式選擇量會令到有選擇困難症嘅客人”病發”。
就咁簡簡單單叫幾樣大牌檔必有菜式
首先出場有呢碟京都骨 ($88)，顏色鮮艷，刺激食慾
選用排骨帶點軟骨，豐富多D唔同口感; 外面帶少少香脆度，肉質唔鞋口; 個酸甜汁包圍住每件排骨，減底肉類嘅膩度。仲有綠紅椒，紫洋蔥及菠蘿件，紅黃綠紫包羅萬有。
有肉當然要有菜，呢客蒜蓉炒豆苗 ($98)大碟得令人懷疑人生(哈哈…)，成坐”豆苗山”咁。
印象中豆苗價錢都唔平，呢碟份量足夠4人食; 以蒜蓉快炒豆苗，唔會過老又有蒜香味，最好就係唔會食完成口油。
壓軸出場就嚟個金菇肥牛粉絲煲 ($98)，份量又係對眼嘅
肥牛藏身於金菇粉絲中，薄薄一片，一夾輕取2-3片
仲有金菇粉絲都唔可以錯過，沙嗲汁”賜予”佢地味道，用黎送飯，添飯都仲得。
要食大排檔就係想要佢嘅風味同鑊氣，呢度出品每樣即叫即煮，入口熱辣辣，份量又大碟，絶對合格有餘。
#ublog #foodblog #foodpics #foods #kwuntong
#kwuntong #foodblog #foods #foodpics #ublog
(此文章由U Blog 同步發佈至社群)
