2023/11/27

/ 焼き鳥 /

// 23 11 23 晴天🌞 22:00 尖沙咀寶昌商業銀行 @akaihonoo_hk 燒鳥 ——— 誕生於「日本」十七世紀中期，最初主要食材為：鵪鶉、麻雀、雲雀、白鴿等等…名乎其實係燒烏！但當時「日本」受佛教嘅影響，基本上雞肉、牛肉都被列為禁止食品。但後來，因為引入大量嘅西方文化，所以食雞肉嘅人都開始變得普及。直到，第二次世界大戰過後，雞肉供應量逐漸穩定，售價變得便宜。結果，以烤雞為主嘅「燒鳥店」立即爆炸性增長。時至今日，「燒鳥店」已經徹底成為，上班一族放工消遣必去嘅好地方啊！ 𖤐ˊ會有加一服務費 🔻七色調味盤 ꕀ 餐廳會為食客準備七款調味配料七味粉、一味粉、山椒粉、咖喱鹽、抹茶鹽、柚子鹽、檸檬鹽 🔻燒鱈魚乾 HKD$48 ꕀ 鱈魚乾燒到香脆味道甜甜哋再蘸上七味粉及蛋黃醬絕對係一款好好嘅開胃前菜 🔻雞心｜雞皮｜雞頸肉｜雞翼 HKD$38/每串 ꕀ 雞心爽嫩、有嚼勁完全唔腥口感跟雞皮相似照燒汁鹹中帶甜相當有驚喜雞皮燒到外脆內軟咬嗰陣充滿油香但又唔會太過油膩而且帶有淺淡嘅煙燻香氣想多啲清新嘅感覺可以選擇蘸上適量嘅檸檬鹽雞頸肉肉質緊實、有彈性入口鮮嫩類似爽脆版嘅雞髀肉雞翼解凍做得好完全無雪味燒得唔錯會有陣陣嘅焦香 🔻雞肉軟骨棒 HKD$48 ꕀ 免治雞肉質感軟綿加上啖啖碎軟骨再撈埋生雞蛋多重口感滋味享受 🔻水牛芝士煙肉卷 HKD$48 ꕀ 微焦帶脆嘅煙肉包住半溶軟滑水牛芝士鹹香十足加埋紫蘇葉嘅芬芳餘韻簡直係邪惡之選 🔻福岡秋葵｜唐揚豆腐燒 HKD$38/每串 ꕀ 福岡秋葵清脆嫩滑零草腥味面頭仲會撒上大量木耳絲做點綴唐揚豆腐燒熱辣辣外皮焦脆配以甜甜哋嘅醬汁好食到一啖接一啖 🔻醬油燒飯團 HKD$38 ꕀ 飯團外層酥脆有飯焦感覺每啖都會有好香醬油味包埋脆卜卜嘅紫菜一齊食反而多咗一種飯素嘅味道即使無其它配料襯托都唔會覺得寡淡 🔻抹茶厥餅 HKD$38 ꕀ 冰涼厥餅口感Q彈偏向少少似硬身啫喱表面撒上一層清香濃郁嘅抹茶粉食完爽得嚟又無黏住個口 ꕀ #尖沙咀 #寶勒巷 #火赤 #燒鳥 ...更多