平時食火鍋都係啲大路嘅豬骨湯、麻辣湯，呢間火鍋店有養生滋補嘅鷓鴣湯飲，係全香港首間火鍋店有咁養生嘅鍋底，加$68就有得飲，推介去試吓呀！
佢地仲有3款煲任食，雞煲、黑椒豬手煲同火焰🔥牛尾煲～ 我哋試咗比較少食嘅豬手煲同牛尾煲，2款味道都好唔錯！
🥢香濃黑椒豬手煲
豬手肉唔算好多，主要食富有骨膠原嘅彈牙豬皮，黑椒調味都幾濃味，唔食得辣記住揀唔辣或者BB辣啦～
🥢秘製火焰牛尾煲
牛尾煲上枱後，店員會點火再炒一下，味道好香！牛尾啖啖肉，肉質有咬口唔韌～ 叫咗BB辣啱啱好，幾惹味！
🌟養生滋補鷓鴣鍋 +$68
重點係試呢個養生鍋😍 有半隻鷓鴣，店員話係蒸完鷓鴣，拎啲肉汁加入雞湯再煲，仲加咗蟲草花、圓玉、紅棗、杞子等，非常滋補，四季都啱飲！個鷓鴣湯好清甜順喉，飲完好舒服，一啲都唔油膩👍🏻 平時屋企少煲呢類湯嘅，好推介嚟試試！
🥢火鍋放題
🔸安格斯牛板腱
🔸安格斯封門柳
我哋揀咗$268嚴選安格斯牛套餐，主打上面2款安格斯牛肉。牛板腱淥幾秒就食得，肉質鮮嫩脂肪少，有點嚼勁，薄切關係唔會韌。封門柳肉質更柔軟，牛味濃！
其他火鍋配料仲有美國牛胸腹、本地鮮滑牛、鵝腸、蜆、蝦、墨魚滑、豬肚等，蔬菜都有好多選擇！丸類大多數由台灣入口，有皮蛋貢丸、三星蔥丸、北海章魚丸等比較特別嘅丸類。
飲品有比較少見嘅椰子水👍🏻 仲可以任飲啤酒🍻 最後食埋椰子雪條同海鹽雪糕🍧 大滿足！
🍲二鍋頭
📍尖沙咀漆咸道南53-55號嘉芙中心1樓
#尖沙咀美食 #尖沙咀食好西 #尖沙咀食咩好 #火鍋放題 #雞煲火鍋 #香濃黑椒豬手煲 #豬手煲 #秒製火焰牛尾煲 #牛尾煲 #鷓鴣湯 #養生滋補鷓鴣湯鍋 #安格斯牛 #任食火鍋 #養生鍋 #尖沙咀火鍋 #香港美食 #foodie #hkfoodie #foodiehk
#火鍋 #雞煲 #香港美食 #foodie #hkfoodie #尖沙咀火鍋 #火鍋放題 #尖沙咀美食 #安格斯牛 #任食火鍋 #雞煲火鍋 #養生鍋 #尖沙咀食咩好 #火鍋推薦 #foodiehk #鷓鴣湯 #火鍋推介 #尖沙咀食好西 #豬手煲 #牛尾煲 #養生滋補鷓鴣鍋 #香濃黑椒豬手煲 #秒製火焰牛尾煲 #養生滋補鷓鴣湯鍋
(此文章由U Blog 同步發佈至社群)
