横浜一日遊 (II) - 味奈登庵

去完Gundam Factory Yokohama 已經到咗午飯時間。一早諗定去「味奈登庵」食午餐，因為呢間餐廳喺横浜市有好多間分店，就算行程有變都可以去其他分店吃午餐嘛🤣 我去嗰間係總店，由Gundam Factory Yokohama行過去大約10分鐘。 原來呢間「味奈登庵」已經有50年歷史，餐廳自設麵廠每日新鮮製造麵條然後運送去各分店售賣。餐牌主要以烏冬/蕎麥麵為主，湯麵沾麵都有，唔食麵嘅可以揀丼飯呀。 ▫️つけ天そば (JPY955) - 冷蕎麥麵配天婦羅。呢個價錢有5-6款天婦羅，隻炸蝦仲要幾大隻喎。蕎麥麵嘅份量有幾個選擇，最矚目嘅一定係「富士山」(特大)，麵條真係堆到好似一座山咁高，影相打卡一流呢～ 叫「富士山」麵條份量唔需要另外加錢，真係好抵食。圖中嘅份量係「中盛」，我差啲食唔晒呢😆