Day 7: 繼續山陰hea遊，因仍有雨取消部分行程

山陰地區連續兩天有雨，雨勢有時頗大。一條麻甩佬一大朝早冒雨出去晨運，一口氣行晒松江四條主要行車大橋。 點解要行？因循環巴士9點左右才開始，又可順便消耗一下，準備食自助午餐。 經過藝術館想入去打發時間，但10點先開。 藝術館附近有處地方是睇日落勝地，故此有埋日落時間供遊客參考。而湖中的嫁ヶ島也是景點之一。 自助餐吃飽後，就出發去米子，純粹路經，但都plan咗些少觀光。 在車站出面角落頭的遊客中心買了這個3天鳥取藩乗放題手形，1800円，包県內大部分巴士和若桜鉄道等，都算抵，未來兩日也會用得着 。 共有3款設計，分別代表米子、倉吉、鳥取3大城市，但米子發售的只得這款。 另外，因天雨關係，冇去到米子鬼太郎空港，但車站月台有個專題布置，如果是鬼太郎fans必定很高興。 這兩晚住鳥取市，一出站就有個大型廣告牌介紹鳥取砂丘，網上有人話好伏，但一場嚟到明天即管去望下。 つづく #日本 #獨遊 #山陰 (此文章由U Blog 同步發佈至社群)