2024/12/23

Alchemy必食超好味Panini😆

Alchemy係一間我幫襯多次嘅Cafe啦,原因好簡單—就係因為呢度嘅Panini!!!🤎平時食西餐或者去cafe都好少會有Panini,喺朋友的推薦下我決定一試,真係好好味!! 雖然我食過唔多間cafe嘅Panini,但呢度可以話係我食過之中最好味的🥹之後去其他地方都食唔返Alchemy嘅感覺~所以都會忍唔住要encore再encore🤤 - ☆ Panini & Sandwich: 🥪檸檬汁烤雞煙肉意大利三文治 (Panini) ($78) 🥪青醬烤雞特茄芝士意大利三文治 (Panini) ($78) 🥪煙三文魚牛油果碎雞蛋沙律蕃茄三文治($89) ☆ Pasta & Risotto: 🍽️南瓜蓉配烤松子核桃碎忌廉意大利飯 (尖沙嘴分店) ($109) 🍽️ 青醬雞肉忌廉長通粉 ($103) ☆ Drink: ☕️Earl Grey Chocolate 🍵Uji Ceremonial Matcha Latte - 🐻comment: ☆ Panini即叫即焗,口感鬆脆;而且雞肉份量非常充足,每一口都會食到嫩口嘅雞肉,無論係配搭檸檬汁煙肉,定係青醬番茄組合,都係perfect match!可能有人會覺得冇咩特別,但個人真係好鍾意💯 我亦試過煙三文魚三文治,好大份,碎蛋份量好多,但就唔太食得出牛油果位🤣試一次就ok~ ☆ Risotto口感好creamy,飯亦唔會太過硬身~南瓜蓉+忌廉+飯呢個組合真係好飽肚呀🤣我係尖沙嘴分店度食,鰂魚涌嘅Alchemy Origin並無Risotto提供🤔下次去尖沙嘴分店都會想再試其他risotto🙈 ☆ 飲品方面,我唔飲咖啡,所以淨係飲過宇治抹茶latte同earl grey chocolate,都算大杯,而且earl grey chocolate呢個組合其他cafe比較少見,可以試下👍🏻 - 📍 Alchemy ORIGIN (鰂魚涌) 鰂魚涌英皇道979號太古坊太古坊二座地下A號舖 📍 Espresso Alchemy (尖沙咀) 尖沙咀彌敦道132號美麗華廣場1期B1樓B116號舖 | 尖沙咀廣東道3-27號海港城港威商場地下G104號舖 (荃灣､將軍澳亦有分店!) - #espressoalchemy #alchemyorigin #太古美食 #鰂魚涌美食 #尖沙嘴美食 #荃灣美食 #將軍澳美食 #香港cafe #香港西餐 ...更多